Þetta er námskeið fyrir alla sem vilja kynnast Excel betur og hvernig hægt er að skoða gögn úr Microsoft Business Solutions viðskiptakerfum á skýran og myndrænan hátt. Farið er yfir almenna notkun á Excel, listavinnslu, notkun falla pivot taflna og myndritagerð. Einnig er stiklað á stóru varðandi nokkur gagnleg atriði í notkun stýrikerfisins sem létta og flýta vinnslu.

Á síðari degi námskeiðsins er unnið með gögn beint úr gagnagrunnum með notkun ODBC-tenginga. Farið er yfir uppbyggingu á töflum í gagnagrunnum en góður skilningur á þeim er forsenda fyrir góðri greiningu gagna. Uppsetning og virkni er skoðuð, sem og helstu fyrirspurnir. Útbúin er greining Í pivot töflu.