Þetta námskeið er fyrir starfsmenn sem sjá um launaútreikning. Farið er yfir þau atriði sem hafa áhrif á útreikning launa. Byrjað er á að skoða uppsetningu á launakerfinu og hvernig uppsetning á starfsmönnum, kjarasamningum o.fl. hefur áhrif á launaútreikninginn. Að því loknu er farið í gegnum útborganir, launakeyrslur og hvernig hægt er að nýta kerfið til að halda utan um afborgunarkröfur og tengingu við viðskiptamannakerfi.

Sýnt er hvernig hægt er að leiðrétta útborganir eftir að launakeyrsla hefur verið framkvæmd, ásamt því að leiðrétta launakeyrslu eftir að laun hafa verið bókuð í fjárhag, þ.e. bakfærslur o.fl. Einnig eru skilagreinar launakerfis skoðaðar og hvaða skýrslur nýtast best við að senda gögn til RSK, stéttarfélaga og lífeyrissjóða.